Kulti i Jupiter Dolichenus në Dardani

Abstract

Në territorin e Dardanisë, përmes burimeve epigrafike është dëshmuar prania e imigrantëve nga provincat lindore, të cilët përveçse si përfaqësues të ushtrisë, si ndërmjetës të traditave orientale në zonën e artit dhe kulturës në përgjithësi, duhet parë edhe si tregtarë, skllevër, dhe mjeshtër të përpunimit të metaleve të ndryshme, me të cilat shquhet Dardania. Janë këto mënyrat, njerëzit dhe rrugët përmes të cilave kanë ardhur dhe janë përhapur edhe kultet e ndryshme në këtë rajon, në kohën kur ndikimi i orientit filloi të jetë i dukshëm pas krijimit të principatit dhe zgjerimit të territoreve të pushtuara nga Perandoria Romake. Në mesin e këtyre kulteve është ai i Jupiter Dolichenus, i cili ishte i ngjashëm me Jupiterin romak. Ai adhurohej jo vetëm në Dardani, por edhe në Mezinë e Epërme dhe më gjerë.