Përsëri për profilin e Cipos si gjuhëtar dhe gramatikan

Abstract

Për profilin e Kostaq Cipos si gramatikan mund të flitet gjerë e gjatë, sepse vepra e tij, ashtu siç janë shprehur më herët edhe S. Riza1 e M. Domi2, ka lënë gjurmë të pashlyeshme në historikun e zhvillimit të gjuhësisë shqiptare, duke bërë që ky autor të zërë një vend të nderuar krahas bashkëkohësve të tij. Parë në këtë këndvështrim do të ndalemi në disa nga ndihmesat e Cipos për studimin e gjuhës në përgjithësi dhe për gramatikën në veçanti, të cilat, për problematikën e gjerë e të larmishme dhe për rëndësinë e tyre, jo vetëm kanë tërhequr vëmendjen e studiuesve, por vijojnë të jenë aktuale edhe sot.