Buscando na Táboa Periódica dos elementos químicos

Abstract

No ano 2019 conmemorouse o 150 aniversario da táboa periódica dos elementos químicos; esta é unha boa ocasión para destacar o papel que, a química, tivo no desenvolvemento da sociedade. A táboa periódica no seu primeiro esquema foi creada por Dimitri Mendeleyev, un científico ruso que impartía a súa docencia na universidade de San Petersburgo. Quen isto escribe tivo a oportunidade de visitar a aula naquela lonxana universidade quedando impresionado pola colosal escultura da súa imaxe barbuda que contemplaba aos asistentes irradiando un respecto esaxerado.