Torch infeksiyaları olan qadınlarda hamiləliyin I trimestrində antimikrob peptidlərin sekresiyasının qiymətləndirilməsi

Abstract

Mamalıq və ginekologiyanın ən mühüm problemlərindən biri olan başa çatmamış hamiləlik  müasir dövrdə hamilə qadınların təxminən 15-20 % - də rast gəlinir. Belə hesab edilir ki, spontan abortların baş verməsini I trimestrdə 70% hallarda xromosom anomaliyaları, II və III trimestrlərdə isə infeksiyalar şərtləndirir. Son illərdə müxtəlif patoloji vəziyyətlər zamanı antimikrob peptidlər (AMP) sisteminin tədqiqi müşahidə edilən dəyişikliklərdən homeostaz pozulmalarının diaqnostikasında  əlavə meyar kimi istifadə etməyə imkan vermişdir.