Qarın tip piylənmələrin metabolik sindromun komponentlərinin əmələ gəlməsində rolu

Abstract

Qarın tip piylənmələr metabolik sindromun əmələ gəlməsində ən böyük risk faktorlardan hesab olunur. Metabolik sindrom mübadilə, hormonal və kliniki pozğunluqların birlikdə pozulmasının müşayiəti ilə inkişaf edən simptomokompleksdir. Ədəbiyyat mənbələrinin təhlili göstərir ki, metabolik sindromun patogenetik əsasını insulinəqarşı rezistentlik və kompensator olaraq baş verən hiperinsulinemiya təşkil edir. Bu sindrom zamanı karbohidrat və lipid mübadiləsində müəyyən pozğunluqlar baş verir ki, nəticədə damarların endotelinin tənzimi pozulduğuna görə arterial təzyiqin tənzimi pozulur.