Recenzo de la libro: Heller, M., McElhinny, B. (2017). Language, capitalism, colonialism: Toward a critical history. Toronto: University of Toronto Press.

Abstract

Sur paĝo 126 de ĉi tiu libro aperas mia brakhorloĝo. Nu, fakte ne mia, sed simila produkto de la svisa firmao Movado, fotita de la svisa esperantistino Mirejo Grosjean. La foto enkondukas kelkpaĝan pritrakton de Esperanto kaj aliaj planlingvoj, per kiu la aŭtoroj - du kanadaj socilingvistoj kaj/aŭ lingvo-antropologoj - malfermas sian sondadon (en la kvara ĉapitro el ok entute) de la lingvaj dimensioj de 'alternativaj modernecoj', nome 'internaciismo, komunismo kaj faŝismo'.