SEMINARIO PARA A ANÁLISE E PROPOSTAS SOBRE O CURRICULUM DE MATEMÁTICAS NO BACHARELATO

Abstract

Organizado pola Comisión de Educación do CEMat (Comité Español de Matemáticas) celebrouse, do seis ao oito de marzo deste ano 2020, o Seminario para a análise e propostas sobre o currículo de Matemáticas no Bacharelato. Foi subvencionado polo CEIM (Centro Internacional de Encontros Matemáticos), tendo lugar na sede do mesmo, na localidade de Castro Urdiales. Asistín á mesma en representación da nosa organización, á que lle agradezo terme brindado esta posibilidade e, dado o interese destas xuntanzas, animo a outros asociados a participar en convocatorias semellantes. O seminario estruturouse nos seguintes apartados: Que bacharelato queremos e para que? O currículo de Matemáticas no Bacharelato de Ciencias. O currículo de Matemáticas no Bacharelato de Ciencias Sociais. Transición entre ESO e Bacharelato e entre Bacharelato e Universidade. Conclusións. En cada un dos apartados (o primeiro deles tivo dúas partes), dous ou tres poñentes expuñan as súas reflexións sobre o mesmo e un coordinador moderaba a exposición e o debate posterior. A continuación recollo as exposicións feitas en cada un deles.