Nola eraiki elkarlaneko gobernantza eredu bat lurralde garapenerako?

Abstract

Bizkaia Orekan Sakonduz elkarlaneko ekimen bat da, Bizkaiko Foru Aldundia gidari duena, eta Orkestra-Lehiakortasunerako Euskal Institutuak sorreratik hartzen du parte bertan. 2014an Lurraldearen lehiakortasunaren diagnostikoa egin zenean, agerian geratu zen ekonomia sustatzeko politikek lurralde heterogeneo eta askotarikoari erantzun behar ziotela; heterogeneoa eta askotarikoa, ekoizpen sareari dagokionez ez ezik, baita lehiakortasunaren erronkei dagokienez ere. Horretarako, maila anitzeko gobernantza eredu bat jarri zen abian, tokiko eta eskualdeko erakunde garrantzitsuenetako ordezkariak tartean zirela. Azken urteetan sortu diren elkarlaneko dinamikek aukera eman dute, alde batetik, tokiko eta eskualdeetako eragileen gaitasunetan sakontzeko, lurraldearen lehiakortasunerako erronken bideratzaile izan daitezen; eta, beste alde batetik, erronka amankomun inguruan proiektuak sortzeko. Proiektua horiek laguntzeko tresna bat egituratzeko beharra ikusirik, 2020an laguntza programa bat jarri zen abian.