Antaŭparolo

Abstract

Bonvenon al nova kajero de Esperantologio / Esperanto Studies. Iasence temas pri la tria manifestiĝo de tiu ĉi revuo, kies historio komenciĝis jam en la jaro 1948. En tiu jaro la konata dana sciencisto Paul Neergaard lanĉis la revuon Esperantologio kiu fariĝu 'internacia revuo por la lingvistiko kaj bibliografi o de Esperanto'. La revuo havis, aldone al la redaktoro Paul Neergaard, eminentan redaktan komitaton kies nomoj ankoraŭ hodiaŭ resendas nin al kelkaj el la plej gravaj kontribuoj al la scienco de esperantologio: Collinder, Collinson, Kalocsay, Kawasaki, La Colla, Lippmann, Manders, Privat, Ramstedt, Waringhien, Wüster. Tra siaj ses kajeroj, kiuj aperadis inter 1948 kaj 1961, estas trovebla amaso da utilaj, eĉ esencaj, kontribuaĵoj al la studkampo esperantologio, foje tro neglektataj de niaj nuntempaj esperantologoj.