Psixi xəstəliyi ilk dəfə cinayət törətdikdən sonra müəyyən olunmuş şəxslərin diaqnozlarının klinik-psixopatoloji xüsusiyyətləri

Abstract

Cinayət əməli törətmiş  psixiki cəhətdən sağlam şəxslərin və ictimai təhlükəli əməllər törətmiş psixi xəstələrin arasındakı fərq, ikincilərdə müxtəlif dərəcəli psixi pozuntularının olmasından ibarətdir. Bu pozuntuların ağırlığı elə dərəcəyə çatır ki, həmin şəxsləri cinayət əməlini törədən zaman öz hərəkətlərini ölçüb-biçmək və idarə etmək qabiliyyətindən məhrum edir, yəni onlar anlaqsız hesab edilərək məhkəmə tərəfindən cinayət məsuliyyətindən azad olunur. Çox təəssüflə qeyd etmək lazımdır ki, bu məsələ hər dəfə ictimai təhlükəli əməl törədildikdən sonra, məhkəmə zalında fərdi qaydada həll olunur.  Bizim isə təcrübəmiz göstərir ki, bəzi hallarda psixiki xəstəliyin olması yalnız məhkəmə-psixiatrik ekspertizası zamanı ilk dəfə müəyyən olunur.