Postnatal ontogenezdə sidiklik vəzilərinin stroma və sıxlığının morfoloji xüsusiyyətləri

Abstract

Tədqiqatı yerinə yetirmək məqsədi ilə postnatal ontogenezin müxtəlif dövrlərində yenidoğulmuşdan başlayaraq qocalıq yaşı dövrünə doğru, ölümünün səbəbi uroloji və immun sistemi xəstəlikləri olmayan 97 meyitin sidikliyinin vəziləri, orqanın müxtəlif  (yuxarı, orta və aşağı 1/3 hissələrində) hissələrində götürülərək azur-2-eozin, van-Gizon üsulları ilə hematoksilin-eozinlə boyanmaqla, həmçinin ŞİK-reaksiyası vasitəsilə tədqiq edilmiş və onların kompleks anatomik göstəriciləri araşdırılmışdır. Tədqiqatın gedişində əldə edilmiş nəticələr morfometrik metodlar vasitəsi ilə orta riyazi  göstəricilərin, onların  səhvlərinin, fərdi dəyişkənliyin sərhədlərinin və onun gerçəklik göstəricisinin hesablanması ilə işlənilmişdir. Postnatal ontogenezin son mərhələlərinə doğru stromanın faiz tərkibi tədricən artır və qocalarda maksimal qiymətə çatır.