“Xogo ruín”

Abstract

O padecemento dos animais, o mesmo que o dos nenos e nenas en tempos de guerra non sempre foi abordado con atención. Se as crianzas son invisibilizadas e sofren unha infancia aniquilada, maior esquecemento é o que envolve os animais, aínda que estes padecen as mesmas consecuencias cás persoas durante os períodos máis escuros da nosa historia. A través de narracións femininas en lingua galega preténdese mostrar a violencia exercida sobre os animais humanos e non humanos, sobre todo nas obras da memoria do franquismo, se ben se aludirá a outros conflitos e épocas.