Grava verko pri la esperanta literaturo: Recenzo de la libro de Carlo Minnaja kaj Giorgio Silfer, Historio de la esperanta literaturo

Abstract

Finfine esperantistoj disponas pri solida, legebla kaj leginda konsult-libro esence pri la literaturo (ĉefe originala sed iome tradukita) de Esperanto sed ankaŭ pri la movadaj eventoj, kiuj ĝin akompanis kaj ties direkton almenaŭ parte determinis. Unuafoje en la 54 ĉapitroj de Historio de la esperanta literaturo (poste mallongigita al HEL) troveblas serioza provo sekvi la fluon kaj evoluon de kvin periodoj da esperanta verkado de 1887 ĝis 1993 (ĉapitroj 1-49, verkitaj de Carlo Minnaja kaj Giorgio Silfer kunlabore) plus la jaroj ĝis 2015 (ĉapitroj 50–54, verkitaj de Carlo Minnaja).