Apuntamentos básicos para un estudo do galego de Cerdido

Abstract

No presente traballo ofrécese un conxunto de notas que caracterizan a fala do concello de Cerdido, situado na comarca de Ortegal. Sinálanse as súas características fonéticas, morfosintácticas e léxicas máis salientables con respecto ao galego común, tiradas do coñecemento do autor e sobre todo das gravacións das conversas mantidas cunha serie de veciños. Son de especial interese algúns fenómenos fonéticos como a realización do encontro da conxunción comparativa que co artigo a ou a do encontro do adverbio non seguido da forma é; e tamén certas características moi particulares da morfoloxía verbal.