Kèk konsèy pou fasilite entegrasyon etidyan nan lavi entelèktyèl

Abstract

Abstract:Pou moun ki gen chans kontinye etid yo aprè segondè, ane nou pase nan inivèsite se yon peryòd nou aprann anpil. Atravè lekti, kou, seminè, echanj, deba, nou konfwonte nouvo lide, aprann nouvo teyori epi adopte nouvo tèknik kap sèvi nou nan metye nou vle pratike. Malerezman, etidye nan inivèsite pa bay garanti n ap kapab travay nan domèn nou te chwazi a. Gen anpil abitid ak pratik ki ka ede etidyan reyisi nan miliye akademik ak pwofèsyonèl, men anpil fwa, enfòmasyon sa pa fòmalize. Pafwa, etidyan limite posibilite yo paske yo pa gen esperyans pou entegre yon milye ki gen anpil nòm ak yerarchi. Nan tèks sa, mwen prezante senk konsèy ki ka fasilite entegrasyon etidyan ak jèn chèchè nan milye inivèsitè ak milye rechèch yo. Konsèy sa yo chita sou eksperyans mwen te genyen pandan mwen t ap fè mantora ann Amerik di Nò epi ann Ayiti. Mwen devlope konsèy sa yo sitou pou etidyan ki enskri nan pwogram metriz oubyen doktora, men m panse yo sa itil pou lòt moun tou. Mwen swete pou konsèy sa yo ede nou pwofite tout resous ki disponib nan milye akademik.