Revmatoidli artrit olan xəstələrin qanında kalprotektin səviyyəsinin tədqiqi

Abstract

Revmatoidli artrit geniş yayılmış sistem iltihabi autoimmun xəstəlik olub, erkən diaqnostika və adekvat terapiya aparılmadıqda oynaqların proqresivləşən destruktiv zədələnmələrinə, xəstənin həyat keyfiyyətinin aşağı düşməsinə və əlilləşməsinə gətirib çıxarır. RA-nın müasir laborator diaqnostikası geniş spektrli biomarkerlərin təyininə əsaslanır. Bu biomarkerlər arasında antimikrob peptidlərin nümayəndəsi olan kalprotektinin öyrənilməsi xüsusi maraq doğurur. Qranulositlər və makrofaqlar tərəfindən hasil olunan kalprotektin iltihab proseslərində tənzimləyici rolunda çıxış edərək antimikrob və antiproliferativ təsir göstərir.