Eksperimental şəkərli diabet zamanı tanakanla müalicənin limfanın damardaxili laxtalanmasına təsiri

Abstract

Bizim tədqiqatlarla müəyən edilmişdir ki, eksperimental şəkərli diabet (ŞD) zamanı qanın damardaxili laxtalanmasının pozulması ilə yanaşı, limfanın laxtalanması da pozulur. Bütün bunlar son nəticədə toxumaların limfadrenaj xassəsini zəiflətməklə pozulmuş toksiki mübadilə məhsullarının toxumalarda toplanmasına və ŞD zamanı yaranan müxtəlif ağırlaşmaların inkişafına səbəb olur. Ədəbiyyat məlumatlarından isə bəlli olur ki, ŞD-nin müalicəsində tanakandan istifadə edilməsi hemostaza əlverişli təsir etməklə yanaşı, mikrosirkulyasiyanı da yaxşılaşdırır və ŞD-in gedişini yüngülləşdirir.